Gündəlik istifadə etdiyimiz əşyalar sağlamlıq üçün təhlükə yarada bilər
BMT və Ümumdünya Səhiyyə Təşkilatının yeni hesabatında plastik məhsullar, kosmetika, oyuncaqlar, elektronika və məişət əşyalarında rast gəlinən bəzi kimyəvi maddələrin insan sağlamlığı üçün ciddi risk yarada biləcəyi bildirilib.
Crossmedia.az xəbər verir ki, bu barədə "Associated Press" məlumat yayıb.
Hesabatda hormon sisteminin fəaliyyətini poza bilən kimyəvi maddələrin beyin inkişafına, reproduktiv sağlamlığa və maddələr mübadiləsinə mənfi təsir göstərə biləcəyinə dair elmi sübutların artdığı qeyd olunub. Bu maddələr orqanizmə qida, hava və dəri vasitəsilə daxil ola bilər.
Hesabata görə, kimyəvi maddələrlə əlaqəli sağlamlıq problemlərinin dünyada illik iqtisadi yükü 1,1 trilyon dolları ötür.
Mütəxəssislər xüsusilə uşaqların və hamilə qadınların bu maddələrə məruz qalmasının azaldılmasının vacibliyini vurğulayıblar.
06:18 18.11.2026
Oxunuş sayı: 66