Rusiyada 13 nəfərin olduğu təyyarə qəzaya uğrayıb: Ölənlər var/ YENİLƏNİB
Rusiyanın Kemerovo vilayətində qəzaya uğrayan An-12 təyyarəsinin yerə çırpılmadan əvvəl havada alovlandığı və partladığı bildirilir.
Crossmedia.az xəbər verir ki, bu barədə “SHOT” Telegram kanalına məlumat yayıb.
Hadisənin şahidlərindən biri bildirib ki, təyyarə hələ havada olarkən yanmağa başlayıb. Daha sonra qəfil sürətlə hündürlük itirərək yerə doğru enib. Yerə çırpıldığı anda isə partlayış baş verib.
Qəza Kemerovo vilayətinin Yaqunovo kəndi yaxınlığında qeydə alınıb. Bölgənin rəhbəri İlya Seredyuk aviasiya hadisəsini təsdiqləyib və hadisə yerinə yollanıb. Əraziyə fövqəladə hallar xidmətlərinin əməkdaşları da cəlb olunub.
Mətbuatın məlumatına görə, qəzaya uğrayan təyyarə An-12 olub. Onun göyərtəsində 10-dan çox ekipaj üzvünün olduğu və onların sağ qalmadığı bildirilir.
Hazırda aidiyyəti qurumlar qəzanın səbəblərini və başvermə şəraitini araşdırır.
19:10
Rusiyanın Kemerovo vilayətində qəzaya uğrayan An-12 hərbi-nəqliyyat təyyarəsinin bütün heyət üzvlərinin həlak olduğu bildirilir.
Crossmedia.az xəbər verir ki, bu barədə “Mash” Telegram kanalına istinadən məlumat yayıb.
Məlumata görə, təyyarə Kemerovo vilayətinin Yaqunovo kəndi yaxınlığında qəzaya uğrayıb. İlkin ehtimala əsasən, təyyarənin göyərtəsində 13 nəfər olub.
“Mash”ın məlumatında qəza nəticəsində bütün heyət üzvlərinin həyatını itirdiyi qeyd edilib.
Hadisə ilə bağlı məlumatlar dəqiqləşdirilir.
19:05
Rusiyanın Kemerovo vilayətində 13 nəfərin olduğu təyyarə qəzaya uğrayıb. İlkin məlumatlara görə, hadisə nəticəsində üç nəfər ölüb.
Crossmedia.az xəbər verir ki, bu barədə “Gazeta.ru” məlumat yayıb.
Bildirilib ki, təyyarə Kemerovo vilayətinin Yaqunovo kəndi yaxınlığında yerə çırpılıb.
Hadisə yerinə yanğınsöndürənlər, polis əməkdaşları və digər operativ xidmətlərin nümayəndələri cəlb olunub. Vilayət rəhbərinin də qəza yerinə yollandığı bildirilir.
“Keremovo №1” Telegram kanalının məlumatına görə, təyyarənin göyərtəsində 13 nəfər olub. İlkin məlumata əsasən, üç nəfər həyatını itirib.
Hadisə ilə bağlı rəsmi qurumlar hələlik ətraflı məlumat açıqlamayıb.
19:14 17.11.2026
Oxunuş sayı: 70