Tramp daha bir müharibənin qarşısını aldığını iddia edib
ABŞ Prezidenti Donald Tramp Tayland və Kamboca arasında baş vermiş silahlı münaqişənin davam etməsinin qarşısını aldığını bildirib.
O, bu barədə açıqlamasında iki ölkə arasında sülhün əldə olunmasında öz rolunun olduğunu iddia edib.
Crossmedia.az xəbər verir ki, bu barədə “Reuters” məlumat yayıb. Tramp münaqişənin həllini öz xidmətləri ilə əlaqələndirib.
“Mən Tayland və Kamboca arasında sülhə nail oldum. Çox qəddar münaqişəni həll etdik. Düşünürəm ki, bu, mənim xidmətimdir. Amma buna görə mənə lazımi qiymət verildiyini düşünmürəm. Beləliklə, qarşısını aldığım daha bir müharibədir, lakin buna görə təqdir olunmadım”, – deyə ABŞ prezidenti bildirib.
Qeyd edək ki, Tramp çıxışında münaqişənin dayandırılmasındakı rolunun lazımi səviyyədə qiymətləndirilmədiyini də vurğulayıb.
18:27 17.11.2026
Oxunuş sayı: 68