Belarus liderindən Avropaya mesaj: Rusiyanı kənarda qoymaqla təhlükəsizlik təmin edilməyəcək
Belarus Prezidenti Aleksandr Lukaşenko Avropada yeni təhlükəsizlik sisteminin Rusiyanın iştirakı olmadan formalaşdırılmasının mümkün olmadığını bildirib.
Crossmedia.az xəbər verir ki, bu barədə “BelTA” agentliyinə məlumat yayıb.
Lukaşenkonun sözlərinə görə, Rusiyanın Avropanın gələcək təhlükəsizlik strukturundan kənarda saxlanılması heç bir nəticə verməyəcək.
Belarus lideri dünyada vəziyyətin dəyişdiyini və yeni reallıqlara uyğun addımların atılmasının vacibliyini vurğulayıb. O hesab edir ki, danışıqlar çərçivəsində təhlükəsizlik məsələlərində hansı dəyişikliklərin edilməli olduğu müzakirə oluna bilər.
Qeyd edək ki, bundan əvvəl Rusiya xarici işlər nazirinin müavini Sergey Ryabkov ölkəsinin Avropanın təhlükəsizliyinə dair təkliflər üzərində işlədiyini açıqlamışdı. Diplomat ABŞ-nin digər regionlara diqqətini artırmasına baxmayaraq, Avropada hələ də mühüm təsirə malik olduğunu bildirib.
19:44 17.11.2026
Oxunuş sayı: 33