Azərbaycan, Türkiyə və Gürcüstan hərbçiləri dağ təlimində iştirak edirlər
Azərbaycan, Türkiyə və Gürcüstan hərbçiləri üçtərəfli hərbi əməkdaşlıq çərçivəsində dağ hazırlığı kursunda iştirak edirlər.
Crossmedia.az xəbər verir ki, bu barədə Gürcüstan Müdafiə Nazirliyinin məlumatlarına əsasən “APA” xəbər yayıb.
Təlimlər Gürcüstanın Saçxere və Çiatura ərazilərində keçirilir. Kurs iştirakçıları qayayadırmanma, çayların keçilməsi, maneələr zolağının dəf edilməsi və yüksək dağlıq ərazidə hərəkət bacarıqlarını təkmilləşdirirlər.
Hərbçilər həmçinin yaralılara ilkin tibbi yardım göstərilməsi, onların təxliyəsi və gecə yürüşlərinin keçirilməsi üzrə praktiki məşğələlərdə iştirak edirlər.
Qeyd edək ki, Saçxere Dağ Hazırlığı Məktəbi Gürcüstan Müdafiə Qüvvələrinin təlim mərkəzlərindən biridir.
20:45 24.09.2026
Oxunuş sayı: 34
