Həkim küçədə halı pisləşən insana yardımın iki əsas qaydasını açıqlayıb
Həkim və teleaparıcı Aleksandr Myasnikov küçədə qıcolma keçirən insana yardım zamanı ilk növbədə təcili tibbi yardım çağırmağı və zərər verməməyə çalışmağı tövsiyə edib.
Crossmedia.az xəbər verir ki, bu barədə “Lenta.ru” məlumat yayıb.
Myasnikov “Rossiya 1” telekanalında yayımlanan “O samom glavnom” verilişində bildirib ki, qıcolma keçirən şəxsi saxlamaq, hərəkətlərini məhdudlaşdırmaq və ağzına hər hansı əşya qoymaq olmaz. Bu cür müdaxilələr vəziyyəti daha da ağırlaşdıra bilər.
Həkimin sözlərinə görə, infarkt və insult hallarında da əsas prinsip zərər verməməkdir. Təcili yardım çağırdıqdan sonra zərərçəkəni rahat vəziyyətdə oturtmaq, sakitləşdirmək və həkimlərin gəlməsini gözləmək lazımdır.
Myasnikov qeyd edib ki, qanaxma zamanı onu dayandırmaq, sınıq zamanı isə zədələnmiş nahiyəni hərəkətsizləşdirmək vacibdir. Onurğa və ya boyun nahiyəsinin ağır zədələnməsi ehtimalı olduqda isə zərərçəkənə toxunmamaq tövsiyə olunur.
23:56 09.11.2026
Oxunuş sayı: 42
