Ərdoğan: Qarabağda genişmiqyaslı bərpa və quruculuq işləri aparılır
Türkiyə Prezidenti Rəcəb Tayyib Ərdoğan Azərbaycanın işğaldan azad edilmiş ərazilərində genişmiqyaslı bərpa və quruculuq işlərinin həyata keçirildiyini bildirib.
Crossmedia.az xəbər verir ki, Ərdoğan bu fikirləri Nazirlər Kabinetinin iclasından sonra keçirdiyi mətbuat konfransında səsləndirib.
Türkiyə Prezidenti qeyd edib ki, Qarabağda genişmiqyaslı tikinti və dirçəldilmə səfərbərliyi həyata keçirilir. Onun sözlərinə görə, artıq Qarabağın hər tərəfində sülh küləkləri əsir və Türkiyə bu prosesdə Azərbaycana hər cür dəstək göstərir.
Ərdoğan, həmçinin Qarabağın azadlığı uğrunda şəhid olanlara Allahdan rəhmət diləyib.
21:37 09.11.2026
Oxunuş sayı: 48
