Ukraynada Prezident Universitetinin ən yaxşı müəllimlərinə 4 min dollar maaş veriləcək
Ukraynada yaradılması planlaşdırılan Prezident Universitetinin ən yaxşı müəllimlərinin ən azı 4 min dollar və ya avro maaş alması nəzərdə tutulur.
Crossmedia.az xəbər verir ki, ” bu barədə “Azadlıq Radiosu”nun Ukrayna xidməti məlumat yayıb.
Ukraynanın Təhsil və Elm naziri Serhiy Şkarlet bildirib ki, bu, Prezident Volodimir Zelenskinin niyyətidir. Nazir qeyd edib ki, əvvəlcə universitetin konsepsiyası hazırlanmalıdır. Onun sözlərinə görə, Prezidentlə müzakirə zamanı ən yaxşı və bacarıqlı müəllimlər üçün 4 minlik maaşın başlanğıc məbləğ olması nəzərdə tutulub.
Qeyd edək ki, Prezident Universitetinin yaradılmasında məqsəd Ukraynada ali təhsilin beynəlxalq təhsil bazarında rəqabət qabiliyyətini artırmaq, müasir təhsil texnologiyalarına uyğunlaşmanı gücləndirmək və dünya elmi sistemlərinə inteqrasiyanı yaxşılaşdırmaqdır.
21:29 09.11.2026
Oxunuş sayı: 37
