Rusiya diplomatı Avropanı Moskva ilə münasibətlərdə geri dönüşü olmayan təhlükə barədə xəbərdar edib
Avropa İttifaqı Rusiya ilə münasibətlərdə geri dönüşü mümkün olmayan təhlükəli həddə yaxınlaşıb.
Crossmedia.az xəbər verir ki, bu barədə Rusiyanın Vyanada hərbi təhlükəsizlik və silahlara nəzarət üzrə danışıqlardakı nümayəndə heyətinin rəhbəri Yuliya Jdanova TASS-a açıqlamasında bildirib.
Diplomat Avropa ölkələrini Moskva ilə müharibəyə hazırlıq kursundan imtina etməyə çağırıb. O, Rusiyanın Avropa ilə müharibə istəmədiyini və NATO üzvü olan ölkələrə hücum etmək niyyətində olmadığını bildirib.
Jdanovanın sözlərinə görə, Moskva bu mövqeyini sənədlə təsdiqləməyə hazırdır, lakin Avropa ölkələrinin maraqlar balansını axtarmaq niyyətini görmür.
Qeyd edək ki, Avropa Komissiyasının sədri Ursula fon der Lyayen Ukraynada atəşkəs əldə olunmadan Avropanın yeni təhlükəsizlik arxitekturasının müzakirəsinə başlanılmayacağını bildirib.
23:53 09.11.2026
Oxunuş sayı: 47
