Aİ Avstraliyanın assosiativ üzvlüyü məsələsinə aydınlıq gətirdi
Avstraliyanın Kanada kimi Avropa İttifaqının assosiativ üzvünə çevrilməsi ilə bağlı müzakirələr hazırda yalnız fərziyyə xarakteri daşıyır.
Crossmedia.az xəbər verir ki, “Politico” bu barədə məlumat yayıb.
Avropa Komissiyasının sözçüsü bildirib ki, Avstraliyanın Aİ-yə assosiativ üzv kimi qoşulması ilə bağlı hər hansı rəsmi müzakirə və ya proses yoxdur.
Məsələ Kanada ilə Aİ arasında münasibətlərin yeni mərhələyə keçməsi fonunda gündəmə gəlib. Ottava Aİ ilə daha sıx əməkdaşlıq imkanlarını müzakirə edir və bu, digər ölkələrin də ittifaqla münasibətlərinin gələcək formatı barədə suallar yaradıb.
Komissiya isə Avstraliyanın Kanada nümunəsini izləyəcəyi barədə yayılan fikirlərin hazırkı mərhələdə konkret razılaşmaya əsaslanmadığını vurğulayıb.
20:36 18.09.2026
Oxunuş sayı: 43
