Latviyalı siyasətçi ölkəsini batan “Titanik”ə bənzədib
Latviyanın “Latviya birinci yerdə” partiyasının rəhbəri, Riqanın keçmiş vitse-meri Aynars Şlesers ölkəsinin gələcəyini batan “Titanik” gəmisinə bənzədib.
Crossmedia.az xəbər verir ki, bu barədə “LSM” məlumat yayıb.
Şlesers Latviyanın Baş naziri Andris Kulberqlə görüşdən sonra jurnalistlərə açıqlamasında 2030-cu ilə qədər ölkənin ağır vəziyyətlə üzləşəcəyini iddia edib.
“Şübhə yoxdur ki, mənim Latviya ilə müqayisə etdiyim ‘Titanik’ 2030-cu ilə qədər batacaq”, – deyə o bildirib.
Siyasətçinin sözlərinə görə, Latviyanın qarşısında çoxsaylı çətin qərarların qəbulu və ciddi dəyişikliklərin həyata keçirilməsi vəzifəsi dayanır. O, xüsusilə dövlət xərclərinin kəskin şəkildə azaldılmasının vacibliyini vurğulayıb.
Şlesersin bu fikirləri ölkədə hökumətin formalaşdırılması ilə bağlı siyasi məsləhətləşmələr fonunda səsləndirilib.
23:42 02.11.2026
Oxunuş sayı: 54
