Almaniyada Ukraynaya yardımların dayandırılması tələb olunur
Almaniyanın sağçı “Almaniya üçün Alternativ” (AfD) partiyasının xarici siyasət üzrə ekspertləri Berlinin ABŞ Prezidenti Donald Tramp administrasiyası ilə daha sıx əməkdaşlıq etməsini və Rusiya ilə münasibətləri yaxınlaşdırmasını təklif edirlər.
Crossmedia.az xəbər verir ki, bu barədə “Welt” partiyanın iki proqram sənədinə istinadən məlumat yayıb.
Partiyanın xarici siyasət məsələləri üzrə sözçüsü və fraksiya rəhbərinin müavini Markus Frohnmaier, fraksiyanın vitse-prezidenti Stefan Keyter və xarici siyasət üzrə işçi qrupunun rəhbər müavini Gerold Otten Ukraynaya dəstəyin dayandırılmasını və Rusiya ilə münasibətlərin bərpa edilməsini təklif ediblər.
Sənədlərdə ABŞ ilə Avropanın ortaq mədəniyyət və tarixlə bir-birinə sıx bağlı olduğu vurğulanır. Həmçinin Almaniyadan ABŞ-yə köçmüş insanların milyonlarla nəslinin mövcudluğuna diqqət çəkilir.
22:57 02.11.2026
Oxunuş sayı: 62
