Yanacağın bahalaşması Ryanair-i xərcləri azaltmağa vadar edir
Yanacağın qiymətinin kəskin artması fonunda İrlandiyanın aşağıbüdcəli aviaşirkəti “Ryanair” genişmiqyaslı qənaət tədbirləri həyata keçirməyi planlaşdırır.
Crossmedia.az xəbər verir ki, şirkətin mətbuat xidməti bu barədə məlumat yayıb.
Planlaşdırılan tədbirlər sırasına əmək müqavilələrinə yenidən baxılması, maaşların dondurulması ehtimalı, hər təyyarəyə düşən ekipaj üzvlərinin sayının azaldılması və proseslərin optimallaşdırılması üçün süni intellekt texnologiyalarından daha geniş istifadə daxildir.
Şirkət maliyyə çətinliklərinin əsas səbəbi kimi Yaxın Şərqdəki qeyri-sabit vəziyyəti göstərib. “Ryanair” xəbərdarlıq edib ki, münaqişə yaxın vaxtlarda həll olunmasa, gələn il yanacaqla bağlı əlavə xərclər təxminən 2 milyard avroya çata bilər.
Qənaət tədbirləri 2027-ci maliyyə ilinin ilk yarısına dair maliyyə hesabatı ilə birlikdə açıqlanıb. Hesabata əsasən, şirkətin gəlirləri 3 faiz artaraq 10,1 milyard avroya, sərnişin daşımalarının həcmi isə 6 faiz yüksəlib.
Bununla belə, “Ryanair”in xalis mənfəəti 15 faiz azalaraq 2,15 milyard avro təşkil edib.
23:54 02.11.2026
Oxunuş sayı: 46
