Ukraynada humanitar yardım paylanan məktəbə zərbə endirilib
Rusiyanın Zaporojye vilayətinin Komışevaxa qəsəbəsinə endirdiyi aviazərbələr nəticəsində 18 nəfər həlak olub, 5 nəfər yaralanıb.
Crossmedia.az xəbər verir ki, bu barədə Ukrayna Prezidenti Volodimir Zelenski məlumat verib.
Onun sözlərinə görə, Rusiya qüvvələri səhər saatlarından etibarən qəsəbəyə bir neçə aviazərbə endirib. Hədəfə humanitar ehtiyaclar üçün istifadə olunan və sakinlərə yardım paylanan məktəb çevrilib.
Zelenski bildirib ki, ilk aviasiya bombasının ardınca daha 9 bomba ilə növbəti zərbə endirilib. İkinci hücum insanların olduğu sığınacağa tuş gəlib.
Hazırda hadisə yerində xilasetmə əməliyyatı davam edir, itkin düşən şəxslərin axtarışı aparılır.
22:55 02.11.2026
Oxunuş sayı: 52
