Səbaildə səs-küyə səbəb olan iaşə obyektləri cərimələnib
Səbail rayonunda qeyd olunan ünvanlarda sakinlərin narahatlığına səbəb olan məişət səs-küyü ilə bağlı polis əməkdaşları tərəfindən müvafiq tədbirlər görülüb.
Crossmedia.az-ın əldə etdiyi məlumata görə araşdırma zamanı iaşə obyektlərində ictimai asayişin, eləcə də ətraf ərazidə yaşayan sakinlərin dincliyinin pozulmasına səbəb olan hallar aşkarlanıb. Bununla əlaqədar obyekt icarədarları barəsində İnzibati Xətalar Məcəlləsinin müvafiq maddəsinə əsasən inzibati tənbeh tədbirləri tətbiq edilib.
Hüquqpozma halı təkrar baş verəcəyi təqdirdə qanunvericiliyə uyğun olaraq daha ciddi inzibati tədbirlərin görüləcəyi də obyekt sahiblərinin diqqətinə çatdırılıb.
20:03 02.11.2026
Oxunuş sayı: 71
