Sançes: Avropa İttifaqı tənəzzüldə deyil, əksinə, güclənir
İspaniyanın Baş naziri Pedro Sançes Avropa İttifaqının (Aİ) tənəzzülə uğramadığını, əksinə, demokratiya və insan hüquqları baxımından mühüm beynəlxalq nümunə olduğunu bildirib.
Crossmedia.az xəbər verir ki, Pedro Sançes bu barədə açıqlamasında danışıb.
Baş nazirin sözlərinə görə, bəzi ölkələr Avropadan ayrılmaq deyil, Avropa İttifaqına qoşulmaq istəyirlər.
“Avropanı tərk etmək istəməyən, əksinə, ona qoşulmağa çalışan ölkələr var. Bu isə Avropa layihəsinin tənəzzüldə olmadığını göstərir. Tam əksinə”, – deyə Sançes vurğulayıb.
İspaniya hökumətinin başçısı Avropa İttifaqının beynəlxalq miqyasda oynadığı rolu yüksək qiymətləndirib.
“Avropa İttifaqı bəşəriyyət üçün mənəvi mayak, insan hüquqlarının, demokratiyanın, sosial və ərazi birliyinin, eləcə də tərəqqinin qorunması üçün ümid mənbəyidir”, – deyə o bildirib.
Mənbələrdə Sançesin Avropa İttifaqını “bəşəriyyət üçün mənəvi mayak” adlandırdığı da təsdiqlənir.
17:39 02.11.2026
Oxunuş sayı: 63
