Ermənistan və İran arasında parlamentlərarası əməkdaşlıq müzakirə olunub
Ermənistanın İrandakı səfiri Qriqor Akopyan İran parlamentinin Ermənistanla dostluq qrupunun rəhbəri Ara Şahverdyan və qrupun digər üzvləri ilə görüşüb.
Crossmedia.az xəbər verir ki, bu barədə Ermənistanın İrandakı səfirliyi məlumat yayıb.
Görüşdə iki ölkənin qanunverici orqanları arasında əməkdaşlıq, eləcə də parlamentlərarası dostluq qrupları arasında əlaqələrin genişləndirilməsi məsələləri müzakirə olunub.
Səfir Qriqor Akopyan İranlı deputatlara ikitərəfli münasibətlərdəki son yeniliklər barədə məlumat verib və qarşılıqlı hörmət və etimad əsasında əlaqələrin daha da inkişaf etdirilməsinə hazır olduqlarını bildirib.
Tərəflər regionda nəqliyyat kommunikasiyalarının açılması məsələsinə də toxunublar. Bu çərçivədə səfir TRIPP marşrutu ilə bağlı son razılaşmaları və əsas prinsipləri təqdim edib.
21:47 02.11.2026
Oxunuş sayı: 60
