Tokayev: Ölkədə sabitliyi pozmağa çalışanlar qanun qarşısında cavab verəcək
Qazaxıstan Prezidenti Kasım-Jomart Tokayev ölkəyə zərər vurmağa çalışan şəxslərin qanun qarşısında məsuliyyətə cəlb ediləcəyini bildirib.
Crossmedia.az xəbər verir ki, dövlət başçısı bu barədə Temirtau şəhərində “Qarmet” şirkətinin kollektivi və həmkarlar ittifaqının üzvləri ilə görüşündə danışıb.
Tokayev qeyd edib ki, xalqın maraqları naminə islahatların uğurla davam etdirilməsi üçün ölkə daxilində sülh və sabitliyin qorunması vacibdir.
“Ölkəmizə bəla arzulayan və öz hərəkətləri ilə Qazaxıstana zərər vurmağa çalışan hər kəs ‘qanun və qayda’ prinsipinə uyğun olaraq məsuliyyətə cəlb edilməlidir və ediləcək”, – deyə prezident vurğulayıb.
Dövlət başçısı əlavə edib ki, Qazaxıstan dinlərarası və millətlərarası həmrəylik siyasətinə, eləcə də müxtəliflik içində birlik prinsipinə sadiq qalır.
23:51 02.11.2026
Oxunuş sayı: 47
