Xarici xəbərlər

Çeçenistan rəhbəri Rusiya nazirliyinin medalına layiq görülüb

Çeçenistan rəhbəri Ramzan Kadırov Rusiyanın Təbii Sərvətlər və Ekologiya Nazirliyinin “Əməkdaşlığa görə” medalı ilə təltif olunub.

Crossmedia.az xəbər verir ki, bu barədə “TASS” məlumat yayıb.

Medalı Kadırova Rusiyanın Baş nazirinin müavini Dmitri Patruşev təqdim edib. Mərasim Patruşevin bölgəyə işgüzar səfəri çərçivəsində keçirilib.

Patruşev çıxışı zamanı Kadırovun artıq üç ildir ətraf mühitin mühafizəsi sahəsi ilə bağlı məsələlərlə məşğul olduğunu bildirib. O, Çeçenistan rəhbərinə bu sahəyə diqqətlə yanaşdığına görə təşəkkür edib.

Rusiya Baş nazirinin müavini bazar ertəsi Çeçenistana səfər edib. Səfər zamanı Kadırovla birlikdə Qroznı şəhərindəki “Texnopark” ekoloji kompleksi ilə tanış olub, Açxoy-Martan rayonunda Fortanqa çayı üzərində sahilbərkitmə qurğularına baxış keçirib.

Patruşev, həmçinin “Standart-S” şirkətinin sahələrində məhsul yığımı kampaniyasının gedişi ilə tanış olub və S.-X. Zakayev adına Qroznı hippodromunu ziyarət edib.

🖨 Çap et

23:39 02.11.2026

Oxunuş sayı: 55