Avropa qızıl ehtiyatlarını ABŞ-dən çıxarmağa başlayıb
Avropa ölkələri geosiyasi qeyri-müəyyənlik fonunda qızıl ehtiyatlarının bir hissəsini ABŞ-dəki anbarlardan çıxarmağa başlayıb.
Crossmedia.az xəbər verir ki, “World Gold Council” bu barədə məlumat yayıb.
Niderland Mərkəzi Bankı mart-avqust ayları ərzində ABŞ və Kanadada saxlanılan təxminən 86 ton qızılı Londona köçürüb. Bank bildirib ki, bu addım qızıl ehtiyatlarının böhran vəziyyətində daha sürətli istifadə edilməsinə və onların likvidliyinin artırılmasına imkan verir.
Fransa isə Nyu-Yorkda saxlanılan 129 ton qızılı sataraq Avropada ekvivalent həcmdə qızıl alıb. Banque de France ölkənin ümumi qızıl ehtiyatının 2 437 ton olaraq qaldığını açıqlayıb.
Bu proses Avropa mərkəzi banklarının strateji aktivlərin xarici yurisdiksiyalarda saxlanması ilə bağlı riskləri azaltmaq və ehtiyatların əlçatanlığını artırmaq səyləri ilə əlaqələndirilir.
19:49 18.09.2026
Oxunuş sayı: 49
