Kosmos tullantıları Yer kürəsini təhdid edir
Yer orbitində milyonlarla kosmik tullantı parçası hərəkət edir. Köhnə peyklərdən tutmuş kiçik metal hissəciklərinə qədər bu tullantılar işlək peyklər üçün ciddi təhlükə yaradır. Toqquşmaların artması isə “Kessler sindromu” kimi tanınan zəncirvari reaksiyaya səbəb ola bilər.
Crossmedia.az xəbər verir ki, alimlər kosmik tullantıların azaldılması üçün müxtəlif üsullar üzərində çalışırlar. Təkliflər arasında tullantıların lazerlər və xüsusi kosmik yedək aparatları vasitəsilə daha təhlükəsiz orbitlərə yönəldilməsi, eləcə də köhnə peyklərin təmir və yanacaqla təmin olunaraq kosmik zibilliyə çevrilməsinin qarşısının alınması var. Mütəxəssislər gələcəkdə kosmosun təhlükəsizliyinin qorunması üçün yeni tullantıların yaranmasının məhdudlaşdırılmasını və beynəlxalq qaydaların təkmilləşdirilməsini vacib hesab edirlər.
08:26 15.08.2026
Oxunuş sayı: 34
