Rusiyalı idmançılara qadağa: Finlandiyalı siyasətçidən sərt reaksiya
Finlandiyanın keçmiş parlament deputatı Ano Turtiaynen hakimiyyətin rusiyalı idmançıların ölkəyə girişini məhdudlaşdırmaq qərarına etiraz edib. O, bu qərarı mənasız hesab etdiyini bildirib.
Crossmedia.az xəbər verir ki, Turtiaynen bu barədə RİA Novosti-yə açıqlamasında danışıb.
Onun sözlərinə görə, Finlandiya Xarici İşlər Nazirliyinin bu addımla kimə güzəştə getməyə çalışdığı aydın deyil.
Siyasətçi hesab edir ki, belə qərarlar idman ictimaiyyətinin, xüsusilə də beynəlxalq yarışların keçirilməsində maraqlı olan idman nümayəndələrinin dəstəyini qazanmayacaq.
Finlandiya Xarici İşlər Nazirliyi daha əvvəl noyabrın 16-dan qüvvəyə minəcək yeni məhdudiyyətlərin rusiyalı peşəkar idmançılara da şamil olunacağını açıqlamışdı. Qərar həm milli komandaların üzvlərinə, həm də beynəlxalq yarışlarda neytral statusla çıxış edən idmançılara aiddir.
Qeyd edək ki, nazir Elina Valtonen isə Rusiyanın Ukraynaya qarşı müharibəsi davam etdiyi müddətdə rusiyalı idmançıların ölkəyə gəlməsini məqsədəuyğun hesab etmədiklərini bildirib.
00:04 15.11.2026
Oxunuş sayı: 51
