ABŞ Mərkəzi Asiyanın mədənlərinə milyardlar yatırır: Türkiyəyə nə qalacaq?
ABŞ Mərkəzi Asiyanın zəngin faydalı qazıntı yataqlarına investisiyalarını artırır. Vaşinqtonun regiondakı fəaliyyəti Çinlə iqtisadi rəqabəti gücləndirir, Türkiyənin isə mədən sektorundakı mövqeyi ilə bağlı suallar yaradır.
Crossmedia.az xəbər verir ki, bu barədə Türkiyənin “Haber Global” nəşrində dərc olunan Mert İnanın məqaləsində bildirilib.
Məlumata görə, Qazaxıstanda volfram yataqlarının işlənməsi üzrə layihədə ABŞ şirkəti 70 faiz pay əldə edib. Təxminən 1,1 milyard dollar dəyərində olan layihə çərçivəsində ildə 12 min ton volfram məhsulunun istehsalı nəzərdə tutulur. Özbəkistanla ABŞ arasında isə ümumi dəyəri 12 milyard dollara çatan ticarət, investisiya və texnologiya sazişləri imzalanıb.
Məqalədə qeyd olunur ki, Çin də regionda mədənlərin hasilatı və emalı sahəsində mövqeyini qoruyur. Türkiyənin isə Özbəkistanda volfram, molibden, qızıl və gümüş yataqlarının axtarışı üzrə üç lisenziyası var. Lakin bu işlər hələ tədqiqat mərhələsindədir.
Ekspertlərin fikrincə, əsas iqtisadi qazanc yalnız faydalı qazıntıların hasilatından deyil, onların emal edilərək sənaye məhsullarına çevrilməsindən əldə olunur. Bu baxımdan Türkiyənin regiondakı layihələrinin real istehsala çevrilməsi hələ qarşıda duran əsas vəzifələrdəndir.
22:20 14.11.2026
Oxunuş sayı: 83
