ABŞ Ukraynaya Rusiyanın enerji obyektlərinə zərbələr üçün kəşfiyyat məlumatı verir
ABŞ Ukraynaya Rusiyanın enerji infrastrukturuna və digər hədəflərə zərbələr endirmək üçün kəşfiyyat məlumatları ötürməyə davam edir.
Crossmedia.az xəbər verir ki, “The Atlantic” bu barədə məlumat yayıb.
Nəşrin məlumatına görə, Vaşinqtonun Kiyevə ödənişsiz təqdim etdiyi əsas dəstək işğal altındakı Ukrayna ərazilərində Rusiya hərbi qüvvələrinin mövqelərinə və Rusiyanın enerji infrastrukturuna zərbələr üçün kəşfiyyat məlumatlarından ibarətdir.
ABŞ və Ukrayna mənbələri bu dəstəyin davam etdirilməsində Mərkəzi Kəşfiyyat İdarəsinin direktoru Con Retkliffin rolunu qeyd ediblər.
“The Atlantic” həmçinin Ukraynanın Rusiyanın enerji sektoruna qarşı zərbələrinin nəticələrinə və bunun ABŞ üçün mümkün faydalarına diqqət çəkib.
17:57 10.08.2026
Oxunuş sayı: 41
