Tramp İranla nüvə sazişi olmadan da razılaşmanı mümkün sayıb
ABŞ Prezidenti Donald Tramp İranla münaqişənin yeni nüvə sazişi imzalanmadan başa çatdırılmasını mümkün hesab edib.
Crossmedia.az xəbər verir ki, “The Wall Street Journal” bu barədə mənbələrə istinadən məlumat yayıb.
Nəşrin məlumatına görə, Tramp müşavirləri ilə qapalı görüşlərdə Hörmüz boğazında gəmiçiliyin bərpasını da qələbə kimi təqdim edə biləcəyini bildirib.
Tramp tamhüquqlu nüvə sazişindən imtinasını İranın prezidentlik müddətinin sonuna qədər nüvə proqramını bərpa etməyə vaxtının çatmayacağı ilə əsaslandırıb. Onun sözlərinə görə, İranın üç əsas nüvə obyekti ötən il məhv edilib və yeni zərbələr təhlükəsi kifayət qədər çəkindirici amil olacaq.
“The Wall Street Journal” yazır ki, Ağ Evin mövqeyinə ABŞ-də yaxınlaşan aralıq seçkilər və benzinin yüksək qiymətləri də təsir edir.
17:55 10.08.2026
Oxunuş sayı: 43
