Xarici xəbərlər

İraqda icazəsiz PUA istifadəsi terror aktına bərabər tutulacaq

İraq hökuməti müvafiq icazə olmadan PUA uçuran şəxsləri terrorçu kimi qiymətləndirməyi nəzərdə tutur.

Crossmedia.az xəbər verir ki, İraq Daxili İşlər Nazirliyinin nümayəndəsi Mikdad Miri bu barədə açıqlama verib.

Onun sözlərinə görə, İraqda müvafiq icazə olmadan istənilən PUA-nın uçuşu terror aktına bərabər tutulacaq, onun operatoru isə terrorçu hesab ediləcək.

PUA-ların və silahların qeydiyyatı üçün son tarix 31 dekabr 2026-cı il müəyyənləşdirilib. Bu tarixdən sonra qeydiyyatdan keçməyən silahlar qanunsuz hesab olunacaq.

Miri həmçinin “Əl-Həşd əş-Şəabi” Xalq Səfərbərlik Qüvvələrinə aid 71 saxta qərargahın bağlandığını bildirib.

🖨 Çap et

17:31 10.08.2026

Oxunuş sayı: 41