Dünya Müsəlman Alimləri Birliyi: Məkkə Sazişi İslam aləminin birliyi üçün mühüm addımdır
Dünya Müsəlman Alimləri Birliyi Səudiyyə Ərəbistanı, Türkiyə və Pakistan arasında imzalanan Məkkə Sazişini İslam dünyasının birliyi və müstəqilliyi istiqamətində mühüm addım kimi qiymətləndirib.
Crossmedia.az xəbər verir ki, Dünya Müsəlman Alimləri Birliyi bu barədə açıqlama yayıb.
Birlik bildirib ki, Səudiyyə Ərəbistanı dini, tarixi, siyasi və iqtisadi çəkisi, Türkiyə siyasi, hərbi, sənaye və iqtisadi gücü, Pakistan isə hərbi potensialı və strateji mövqeyi ilə İslam dünyasında bir-birini tamamlayan mühüm dövlətlərdir.
Açıqlamada qeyd olunub ki, üç ölkənin birgə hərəkət etməsi müsəlman ölkələri arasında birlik və əməkdaşlığın gücləndirilməsi üçün möhkəm təməl yarada bilər.
Dünya Müsəlman Alimləri Birliyi digər müsəlman ölkələrini də bu əməkdaşlığa qoşulmağa çağırıb.
16:03 10.08.2026
Oxunuş sayı: 39
