Tramp İranla nüvə sazişi olmadan da müharibəni bitirməyə hazırdır
ABŞ Prezidenti Donald Tramp İran nüvə proqramı ilə bağlı razılaşma əldə edilməsə belə, Tehran Hörmüz boğazını açarsa, İranla müharibəni başa çatdırmağa hazırdır.
Crossmedia.az xəbər verir ki, “The Wall Street Journal” bu barədə məlumat yayıb.
Nəşrin yazdığına görə, ABŞ rəsmiləri Trampın bu mövqeni köməkçiləri ilə şəxsi söhbətlərində ifadə etdiyini bildiriblər.
Tramp hesab edir ki, İranın üç əsas nüvə obyektinin məhv edilməsindən sonra Tehran prezidentlik müddətinin sonuna qədər nüvə proqramını əvvəlki səviyyədə bərpa edə bilməyəcək. Bu səbəbdən Hörmüz boğazından gəmi hərəkəti bərpa olunarsa, ABŞ prezidentinin atəşkəsi qeyri-müəyyən müddətə saxlamaq niyyətində olduğu bildirilir.
Nəşr qeyd edir ki, boğazın tam açılması halında ABŞ İran limanlarına tətbiq etdiyi dəniz blokadasını da aradan qaldıra bilər.
Ağ Ev isə ABŞ-nin hərbi əməliyyat qarşısında qoyduğu bütün vəzifələri artıq yerinə yetirdiyini açıqlayıb.
15:55 10.08.2026
Oxunuş sayı: 43
