Xarici xəbərlər

Qriqoryan: Ermənistanın Aİ-yə üzvlüyünə alternativ yoxdursa, qanunun mənası nə idi?

Ermənistanın müxalifət fraksiyası "Ermənistan"ın rəhbəri Anna Qriqoryan Baş nazir Nikol Paşinyanın Avrasiya İqtisadi İttifaqının Qırğızıstandakı iclasında səsləndirdiyi fikirləri şərh edib.

Crossmedia.az xəbər verir ki, "Sputnik Ermənistan" bu barədə məlumat yayıb.

Qriqoryanın sözlərinə görə, Paşinyanın Ermənistanın Avropa İttifaqına üzvlüyünə alternativ olmadığı barədə açıqlaması hakimiyyətin son illərdəki fəaliyyətinin mənasızlığını ortaya qoyub.

"Əgər Avropa İttifaqına üzvlük şəklində alternativ yoxdursa, o zaman bu deklarativ qanun ümumiyyətlə nəyə lazım idi? Bu qanunun müzakirəsinin mənası nə idi?" – deyə Qriqoryan bildirib.

Müxalifət nümayəndəsi həmçinin Paşinyan və xarici işlər naziri Ararat Mirzoyanın Brüsselə gedərək Rusiyanın "dezinformasiyasına qarşı mübarizə" üçün yardım istəməsini də sual edib.

Qriqoryan Ermənistanın İctimai Televiziyasında hər axşam Rusiyanı düşmən adlandıran şəxslərin efirə dəvət olunmasını da tənqid edib.

🖨 Çap et

13:09 10.08.2026

Oxunuş sayı: 41