Kükürd qıtlığı Avropada gübrə istehsalını dayandırıb
Dünyada kükürd çatışmazlığının dərinləşməsi fonunda Litvada yerləşən “EuroChem”ə məxsus “Lifosa” zavodu fosfor gübrələrinin istehsalını dayandırıb.
Crossmedia.az xəbər verir ki, “Kommersant” bu barədə məlumat yayıb.
İllik istehsal gücü 1 milyon ton olan müəssisənin fəaliyyətini dayandırmasına əsas səbəb kükürd çatışmazlığı və xammal qiymətlərinin kəskin artmasıdır. Qıtlığın Hörmüz boğazının blokadası fonunda daha da dərinləşdiyi bildirilir.
Məlumata görə, zavod 2022-ci ilin yazından müvəqqəti administratorun idarəçiliyindədir. 2023-cü ildə isə sanksiyaların idarəetmə və xammal təminatına təsiri səbəbindən müəssisə fəaliyyətini dayandırmışdı.
“Kommersant” yazır ki, qlobal kükürd ixracının təxminən 50 faizi Yaxın Şərqin payına düşüb. Rusiya 2026-cı ilin sonuna qədər kükürd ixracını dayandırıb. Çin də kükürd turşusunun ixracına məhdudiyyət tətbiq edib.
Bazar iştirakçıları vəziyyətin normallaşması üçün Yaxın Şərqdən kükürd tədarükünün bərpa edilməsinin vacib olduğunu bildirirlər.
23:38 09.08.2026
Oxunuş sayı: 55
