Xarici xəbərlər

ABŞ-ın baş qərargah rəisi İranla müharibədən çıxış yolu axtarır

ABŞ və İran arasında davam edən müharibənin artıq altıncı ayına yaxınlaşdığı bildirilir. Fevral-aprel ayları arasında gərginliyin azaldığı, tərəflər arasında danışıqların davam etdiyi, lakin müharibənin nə tam başa çatdığı, nə də əvvəlki intensivlikdə davam etdiyi qeyd olunur.

Crossmedia.az CNN-ə istinadən xəbər verir ki, Vaşinqtonda İranla müharibədən çıxış yolu axtarılır. Bu istiqamətdə ABŞ Silahlı Qüvvələrinin Baş Qərargah rəisi Den Keyn (Dan Caine) də narahatlıqlarını ABŞ administrasiyasının yüksək səviyyəli rəsmiləri ilə bölüşüb.

Məlumata görə, Keyn son həftələrdə Mərkəzi Kəşfiyyat İdarəsinin direktoru Con Retkliff (John Ratcliffe), dövlət katibi Marko Rubio (Marco Rubio) və vitse-prezident Cey Di Vens (JD Vance) ilə qapalı görüşlər keçirib.

İddialara əsasən, ABŞ-ın baş qərargah rəisi müharibənin daha da genişləndirilməsinə yönəlmiş hərbi addımların gözlənilməz risklər yarada biləcəyini bildirib.

🖨 Çap et

18:50 09.08.2026

Oxunuş sayı: 39