Ukraynanın Rusiyanın dərinliklərinə PUA zərbələri əsas silahlardan birinə çevrilib
Ukraynanın Rusiyanın dərinliklərinə endirdiyi PUA zərbələri Kiyevin arsenalında ən mühüm silahlardan birinə çevrilib.
Crossmedia.az “The Times” a istinadən xəbər verir ki, Rusiya ilə müqayisədə daha az canlı qüvvəyə malik olan Ukrayna müharibə şəraitində hərbi taktikasını sürətlə dəyişməyə məcbur olub. Uzunmənzilli hücumlar müharibədə 2023-cü ildən tətbiq edilsə də, son bir ildə bu cür əməliyyatların intensivliyi və əhəmiyyəti əhəmiyyətli dərəcədə artıb.
Ukrayna Prezidenti Vladimir Zelenski Avropadakı və NATO-dakı müttəfiqləri Kiyevə dəstəyi artırmağa çağırıb. O, yaxın vaxtlarda Rusiyanın dərinliklərinə zərbələr kampaniyasının genişləndiriləcəyini açıqlayıb və Rusiyada yerləşən raket buraxılış məntəqələrinin məhv edilməsinə dair göstəriş verdiyini bildirib.
“The Times”ın yazdığına görə, Ukrayna bu zərbələr vasitəsilə Rusiyanın raket və digər hücum silahlarının istifadədən əvvəl sıradan çıxarılmasına çalışır.
Belə əməliyyatlardan birini izləyən hərbi müxbir Dominik Hausşildin sözlərinə görə, “Nik” çağırış adlı 32 yaşlı ukraynalı serjant PUA-ların həm hücum, həm də müdafiə vasitəsinə çevrildiyini bildirib.
“Bu dronlar artıq həm hücum, həm də müdafiə silahıdır. Əgər onlar Rusiyadakı raket buraxılış qurğularını hədəfə ala bilirlərsə, raketdən müdafiə sistemlərinə ehtiyac yaranmazdan əvvəl həmin silahları sıradan çıxarmaq mümkündür”, – deyə serjant bildirib.
Ukraynanın Rusiyanın dərinliklərinə PUA hücumlarını artırması Kiyevin hərbi strategiyasında uzaqmənzilli pilotsuz sistemlərin rolunun getdikcə genişləndiyini göstərir.
16:42 09.08.2026
Oxunuş sayı: 42
