Qərb Ermənistanı geosiyasi planlarında alət kimi istifadə edir – sabiq nazir
Qərb demokratiya adı altında Ermənistanda öz geosiyasi planlarını həyata keçirir.
Crossmedia.az xəbər verir ki, "Sputnik Armenia" bu barədə məlumat yayıb.
Ermənistanın sabiq xarici işlər naziri Ara Ayvazyan "Vesti" informasiya xidmətinə müsahibəsində bildirib ki, bir sıra Qərb ölkələrinin nümayəndələri üçün demokratik dövlət olmaq ilk növbədə anti-Rusiya mövqeyi nümayiş etdirmək deməkdir.
Onun sözlərinə görə, Ermənistanın hazırkı hakimiyyəti də qısamüddətli siyasi maraqlar və mövcud siyasi konyunktura naminə bu yolu seçib.
Ayvazyan qeyd edib ki, hakimiyyət 2018-ci il inqilabından sonra Ermənistanı "demokratiyanın qalası" elan edib. Onun fikrincə, ölkə bu ifadənin əksinə olaraq "demokratiyanın Bastiliyası"na çevrilib.
Qeyd edək ki, bundan əvvəl Rusiya Təhlükəsizlik Şurasının sədr müavini Dmitri Medvedev Qərbin Ermənistanı Rusiyaya qarşı "qoçbaşı" kimi istifadə etmək imkanını itirdikdən sonra ölkəni tərk edəcəyini bildirmişdi.
11:05 09.08.2026
Oxunuş sayı: 55
