Ermənistanın keçmiş nazirindən tarixi açıqlama: Turan yolu açılacaq
Ermənistanın sabiq müdafiə nazirinin müavini Artak Zakaryan Turan yolunun açılacağını deyib.
Crossmedia.az ˝Sputnik Armenia˝ -ya istinadən xəbər verir ki, Zakaryan Ermənistan və Azərbaycan arasında sülh prosesinin real nəticələr vermədiyini iddia edib.
Zakaryan Bakı ilə İrəvan arasında əldə olunan razılaşmaları tənqid edib.
Onun sözlərinə görə, regiondakı gərgin vəziyyət fonunda tərəflərin şifahi razılaşmaları ciddi əhəmiyyət daşımır.
“Ermənistanla Azərbaycan arasında sülh hazırda hakim partiyanın əlində olan yeganə təbliğat təhlükəsizlik yastığıdır”, – deyə Zakaryan bildirib.
Sabiq nazir müavini iddia edib ki, 8 avqust razılaşması Azərbaycan üçün kommunikasiya imkanları, Türkiyə üçün Turan yolu, ABŞ üçün isə Cənubi Qafqazda təsirin genişləndirilməsi məqsədi daşıyıb.
Zakaryanın fikrincə, Ermənistan hakimiyyəti isə bu prosesə sülh müqaviləsi adı verib.
22:30 08.08.2026
Oxunuş sayı: 53
