“Vikipediya”nın həmtəsisçisindən MKİ ilə bağlı iddia
“Vikipediya”nın həmtəsisçisi Larri Sanqer Mərkəzi Kəşfiyyat İdarəsinin (MKİ) platformadakı məqalələri redaktə etdiyini iddia edib.
Crossmedia.az xəbər verir ki, "Berliner Zeitung" bu barədə Larri Sanqerin müsahibəsinə istinadən məlumat yayıb.
Sanqerin sözlərinə görə, “Vikipediya”nın materialları uzun illər ərzində hökumətlərin, korporasiyaların və digər nüfuzlu strukturların maraqları doğrultusunda redaktə edilib.
O, MKİ-nin artıq “Vikipediya”dakı məqalələrə müdaxilə etdiyini sübut edən müxtəlif dəlillərin mövcud olduğunu bildirib.
Sanqerin fikrincə, platforma yaradılarkən əsas götürülən neytral mövqe prinsipindən uzaqlaşıb və hazırda sol-liberal istiqamətdə mövqeyə malikdir.
10:42 08.08.2026
Oxunuş sayı: 49
