Avropaya giriş üçün yeni kütləvi cəhd - Sərhəddə gərginlik artır
Mərakeşin Səuta muxtar şəhəri yaxınlığında təhlükəsizlik qüvvələri yüksək hazırlıq vəziyyətinə gətirilib.
Crossmedia.az xarici mediaya istinadən xəbər verir ki, Mərakeş ordusu və polis bölmələri Aralıq dənizi sahilində yerləşən Səuta ətrafında mümkün yeni kütləvi qanunsuz keçid cəhdinə qarşı tədbirləri gücləndirib.
Məlumata görə, Səutadan təxminən 5 kilometr aralıda yerləşən Findeq şəhəri və ətraf ərazilərdə hüquq-mühafizə orqanlarının fəaliyyəti artırılıb.
Təhlükəsizlik qurumlarının məlumatına əsasən, sosial şəbəkələrdə avqustun 15-də Səuta sərhədini kütləvi şəkildə keçmək cəhdinə hazırlıq barədə paylaşımlar yayılıb.
Polisə isə qanunsuz miqrasiyanı təşviq edən və ya insan alveri şəbəkələri ilə əlaqəli şəxslərə qarşı sərt tədbirlər görmək tapşırılıb.
23:57 07.08.2026
Oxunuş sayı: 44
