Qazaxıstan millisində gözlənilməz qərar: Yeni baş məşqçi kim oldu?
Niderlandlı mütəxəssis Con vant Sxip Qazaxıstan milli futbol komandasının yeni baş məşqçisi olacaq.
Crossmedia.az xarici mediaya istinadən xəbər verir ki, bu barədə Qazaxıstan Futbol Federasiyasının (QFF) mətbuat xidməti məlumat yayıb.
Bildirilib ki, mütəxəssislə müqavilə QFF İcraiyyə Komitəsinin iclasından sonra rəsmi şəkildə imzalanacaq. Müqavilənin detalları açıqlanmayıb.
62 yaşlı Con vant Sxip daha əvvəl Ayaks, Tvente, Zvolle, Meksikanın Qvadalaxara və Avstraliyanın Melburn Siti klublarına rəhbərlik edib. O, Melburn Siti ilə ölkə çempionu olmağı bacarıb.
Vant Sxip, həmçinin Yunanıstan və Ermənistan milli komandalarının baş məşqçisi vəzifəsində çalışıb.
23:41 07.08.2026
Oxunuş sayı: 55
