Ukrayna Patriot sistemləri üçün müttəfiqlərə müraciət etdi
Ukrayna Rusiya tərəfindən atılan ballistik raketləri zərərsizləşdirə bilmədikdən sonra hava hücumundan müdafiə sistemlərinin, xüsusilə "Patriot" raketlərinin tədarükünün artırılmasını istəyib.
Crossmedia.az xəbər verir ki, "The Guardian" bu barədə məlumat yayıb.
NATO-nun baş katibi Mark Rutte bildirib ki, alyans Ukraynanın təcili ehtiyac duyduğu hava hücumundan müdafiə vasitələrinin alınması üçün çalışır.
Məlumata görə, Rusiya çərşənbə günü gecə Ukraynaya hücum zamanı 24 ballistik raket və 115 pilotsuz uçuş aparatı ilə zərbə endirib. Ukrayna Hərbi Hava Qüvvələrinin məlumatına əsasən, 98 dron məhv edilib, lakin ballistik raketlərin heç biri vurulmayıb.
Ukrayna Prezidenti Volodimir Zelenski bildirib ki, 2026-cı ilin ilk yarısında ölkəyə müttəfiqlər tərəfindən verilən hava hücumundan müdafiə raketlərinin sayı 2025-ci ilin eyni dövrü ilə müqayisədə üçdə birə qədər azalıb.
Zelenski NATO nümayəndəsi ilə görüşdən sonra deyib ki, Ukraynadakı insanların həyatının hər gün Avropa və ABŞ-dəki tərəfdaşların qərarlarından asılı olduğunu vurğulayıb. O, müttəfiqləri hava hücumundan müdafiə sistemlərinin tədarükünü sürətləndirməyə çağırıb.
17:42 07.08.2026
Oxunuş sayı: 46
