Xarici xəbərlər

Hindistanda NEET imtahanı ilə bağlı qalmaqal: Suallar "WhatsApp" vasitəsilə yayılıb

Hindistanda NEET-UG 2026 qəbul imtahanının suallarının sızdırılması ilə bağlı istintaq yeni detalları üzə çıxarıb.

Crossmedia.az xəbər verir ki, "NDTV" bu barədə Mərkəzi İstintaq Bürosunun (CBI) ittiham aktına istinadən məlumat yayıb.

94 səhifəlik ittiham aktında bildirilir ki, imtahan suallarının sızdırılması Milli Test Agentliyinin (NTA) üç fənn üzrə ekspertindən başlayaraq vasitəçilər, hazırlıq kursları və "WhatsApp" qrupları vasitəsilə abituriyentlərə çatdırılıb.

İstintaqın məlumatına görə, iş üzrə 13 nəfər təqsirləndirilir. Sənəddə həmçinin sızdırılmış suallarla bağlı təşkil edilən xüsusi hazırlıq dərsləri üçün abituriyentlərin valideynlərindən pul toplandığı, vəsaitin isə vasitəçilər üzərindən şəbəkə üzvlərinə ötürüldüyü qeyd olunub.

CBI iddia edir ki, NTA-nın biologiya və zoologiya üzrə eksperti Manişa Qurunat Mandhare biologiya suallarını tam şəkildə deyil, əlyazma qeydləri və NCERT dərsliyində müvafiq paraqrafları işarələməklə sızdırıb. İstintaq bu üsulla namizədlərin imtahandan əvvəl sualları əzbərləməsinə şərait yaradıldığını bildirir.

🖨 Çap et

16:44 07.08.2026

Oxunuş sayı: 59