KİV: Almaniyada tapılan dron terror üçün hazırlanıb
Almaniyanın Leypsiq/Halle hava limanında aşkarlanan pilotsuz uçuş aparatının xüsusi sifarişlə hazırlandığı və müasir müşahidə əleyhinə sistemlər üçün demək olar ki, görünməz olduğu bildirilir.
Crossmedia.az xəbər verir ki, “Bild” bu barədə məlumat yayıb.
Nəşrin məlumatına görə, dron terror aktlarında istifadə olunmaq məqsədilə hazırlanıb. O, partlayıcı maddə və uzun müddət havada qalmasına imkan verən xüsusi batareya ilə təchiz edilib.
Məqalədə qeyd olunur ki, aparatın konstruksiyası maksimum uçuş müddəti və maksimum dağıdıcı təsir əldə etmək üçün hesablanıb. Bildirilir ki, dron uzun məsafələri qət etmək və uzun müddət gözləmə rejimində havada qalmaq imkanına malik olub.
“Bild” yazır ki, aşkarlanan pilotsuz uçuş aparatı hava limanının təhlükəsizlik və mühafizə sistemləri tərəfindən aşkar edilmə ehtimalını minimuma endirmək üçün xüsusi texnologiyalar əsasında hazırlanıb.
Qeyd edək ki, bu məlumatlar “Bild” nəşrinin yaydığı iddialara əsaslanır və Almaniya rəsmiləri tərəfindən hələlik rəsmi şəkildə təsdiqlənməyib.
17:47 06.08.2026
Oxunuş sayı: 56
