Ermənistan Parlamentinin keçmiş sədri yeni rəhbərli təbrik edib
Ermənistan Milli Assambleyasının keçmiş sədri Alen Simonyan parlamentin yeni rəhbərliyini və IX çağırış deputatlarını təbrik edib.
Crossmedia.az bu barədə ˝News.am˝-a istinadən xəbər verir.
Simonyan təbrik mesajında “Mülki müqavilə” fraksiyasındakı həmkarlarına və Milli Assambleyanın yeni rəhbərliyinə fəaliyyətlərində uğurlar arzulayıb.
O, yeni rəhbərliyin Ermənistanın və xalqın rifahı naminə səmərəli fəaliyyət göstərəcəyinə ümid etdiyini bildirib.
Qeyd edək ki, Ruben Rubinyan Ermənistan parlamentinin sədri, Ayq Koncoryan və Vaaqn Aleksanyan isə vitse-spiker seçiliblər.
Müxalifətdən olan vitse-spikerin seçilməsi isə sabaha planlaşdırılıb. Bu vəzifəyə “Güclü Ermənistan” fraksiyasının deputatı Aram Vardevanyanın namizədliyi irəli sürülüb.
22:36 05.08.2026
Oxunuş sayı: 48
