Dmitriyev: "Dərin dövlət" həmişə Rusiyanı və Trampı zəiflətməyə çalışıb
Rusiya Prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi, Rusiya Birbaşa İnvestisiyalar Fondunun rəhbəri Kirill Dmitriyev ABŞ-də ˝solçu dərin dövlət˝in həm Rusiyanı, həm də Prezident Donald Trampı nüfuzdan salmağa çalışdığını bildirib.
Crossmedia.az xəbər verir ki, Dmitriyev bu barədə X sosial şəbəkəsində paylaşım edib.
O, fikrini Ağ Ev tərəfindən məxfiliyi götürülmüş sənədlərlə bağlı yayılan məlumatlara münasibət bildirərkən ifadə edib. Həmin məlumatlarda iddia olunur ki, 2017-ci ilin mayında, FTB-nin keçmiş direktoru Ceyms Kominin vəzifədən azad edilməsindən sonra Trampın Rusiya ilə mümkün əlaqələrini araşdırmaq üçün Federal Təhqiqat Bürosu tərəfindən istintaq başladılıb.
Paylaşım müəllifinin iddiasına görə, araşdırmaya başlanıldığı vaxt Trampın Rusiya ilə əlaqələrinə dair heç bir sübut olmayıb.
22:04 05.08.2026
Oxunuş sayı: 59
