Bəqai: İran və Oman Hörmüz boğazındakı gəmiçilik marşrutunun parametrlərini razılaşdırıb
İran və Oman Hörmüz boğazından keçəcək yeni marşrutun coğrafi koordinatlarını razılaşdırıb.
Crossmedia.az xarici mediaya istinadən xəbər verir ki, bu barədə İran Xarici İşlər Nazirliyinin nümayəndəsi İsmayıl Baqai məlumat verib.
Onun sözlərinə görə, tərəflər arasında razılaşdırılmış əsas müddəaları və mühüm məqamları əks etdirən birgə bəyanatın hazırlanması yekun mərhələdədir. Baqai bildirib ki, üçüncü tərəflər bu prosesə maneə yaratmasa, sənəd yaxın vaxtlarda yayımlana bilər.
Bununla yanaşı, İran dövlət televiziyası mənbəyə istinadən xəbər verib ki, İran və Oman arasında gələcək razılaşma Hörmüz boğazının dərhal açılmasını nəzərdə tutmur.
Mənbənin məlumatına görə, boğazın açılması məsələsi ABŞ-nin atacağı addımlardan asılı olacaq.
21:48 05.08.2026
Oxunuş sayı: 58
