Rusiyada dron istehsal edən zavodun rəhbərinə qarşı sui-qəsd edilib
Rusiyanın Sverdlovsk vilayətində pilotsuz uçuş aparatları istehsal edən müdafiə müəssisəsinin rəhbərinin olduğu avtomobil partladılıb.
Crossmedia.az xəbər verir ki, "ASTRA" bu barədə məlumat yayıb.
Məlumata görə, hadisə Yekaterinburq yaxınlığındakı Bolşoy İstok qəsəbəsində baş verib. Partlayış zamanı "Uraldronzavod"un baş direktoru Vladimir Tkaçukun olduğu "Mercedes" markalı avtomobil hədəfə alınıb.
Bildirilir ki, avtomobilin sürücüsü hadisə yerində həlak olub. Vladimir Tkaçuk isə ağır yaralanıb və həkimlər onun həyatını xilas etmək üçün mübarizə aparırlar.
"Uraldronzavod" Rusiya ordusunda istifadə olunan "Upır" pilotsuz uçuş aparatlarının istehsalı ilə məşğuldur.
Hadisənin səbəbi və partlayışın təfərrüatları ilə bağlı rəsmi qurumlar hələlik açıqlama verməyiblər.
16:58 05.08.2026
Oxunuş sayı: 47
