Xarici xəbərlər

İspaniya Seutadakı miqrantların demək olar ki, hamısını Mərakeşə qaytarıb

İspaniyanın xarici işlər nazirliyi Seuta muxtar şəhərinə qanunsuz daxil olan miqrantların demək olar ki, hamısının artıq Mərakeşə geri göndərildiyini açıqlayıb. Madrid bildirib ki, Seuta və Melilya üzərindən İspaniyaya qanunsuz giriş ölkədə qalmaq, materik hissəyə keçmək və Avropada sərbəst hərəkət etmək hüququ vermir.

Crossmedia.az xəbər verir ki, "ТАСС" bu barədə İspaniya Xarici İşlər Nazirliyinin açıqlamasına istinadən məlumat yayıb.

Nazirliyin məlumatına görə, iyulun 30-da Seuta sərhədini keçən şəxslərin böyük əksəriyyəti artıq Mərakeşə qaytarılıb. İspaniya tərəfi qeyd edib ki, sərhəd təhlükəsizliyinin gücləndirilməsi məqsədilə Seutada xüsusi dəniz maneələri də quraşdırılıb.

Xatırladaq ki, iyulun sonunda on minlərlə qanunsuz miqrant Mərakeşdən üzərək və iki ölkə arasındakı dalğaqıranı keçərək Seutaya daxil olmağa çalışıb. Böhran fonunda İspaniya hakimiyyəti şəhərdə təhlükəsizliyin təmin olunması üçün hərbçiləri də prosesə cəlb edib.

İspaniya hökumətinin məlumatına əsasən, Seutaya çatmağa çalışan zaman azı 88 nəfər həyatını itirib. Mərakeş isə hadisələr zamanı 11 nəfərin öldüyünü açıqlayıb.

🖨 Çap et

12:16 04.08.2026

Oxunuş sayı: 44