ABŞ diplomatik şəbəkəsini ixtisar edir – Beş ölkə siyahıda
ABŞ administrasiyası xaricdəki diplomatik nümayəndəliklərinin bir hissəsini bağlamaq qərarına gəlib. Bağlanacaq diplomatik missiyalar Kanada, Yaponiya, İndoneziya və daha iki ölkədə yerləşir.
Crossmedia.az xəbər verir ki, "Reuters" bu barədə mənbələrə istinadən məlumat yayıb.
Məlumata görə, Ağ Ev ilkin mərhələdə xaricdə fəaliyyət göstərən 30-a yaxın diplomatik nümayəndəliyin bağlanmasını nəzərdən keçirib. Buna səbəb həmin missiyaların maliyyə baxımından səmərəli hesab edilməməsi göstərilib.
Lakin son qərara əsasən, ixtisarlar hələlik yalnız beş diplomatik nümayəndəliyi əhatə edəcək.
Bağlanacaq digər iki diplomatik missiyanın yerləşdiyi ölkələrin adları hələ açıqlanmayıb.
09:59 04.08.2026
Oxunuş sayı: 63
