83 metrlik körpüdən atıldı, sağ qaldı – çılpaq kişinin inanılmaz hadisəsi
Manhetten tərəfdən Bruklin körpüsünün şimal qülləsinə qalxan 44 yaşlı kişi təxminən 83 metr hündürlükdən İst-River boğazına tullanıb və sağ qalıb.
Crossmedia.az xəbər verir ki, “New York Post” bu barədə məlumat yayıb.
Hadisə zamanı kişi qüllənin üzərinə bir neçə bayraq yerləşdirib, daha sonra isə soyunaraq çılpaq vəziyyətdə qalıb.
Hadisə yerinə gələn Nyu-York Polis Departamentinin Təcili Xidmətlər Bölməsinin (ESU) əməkdaşları onu aşağı düşməyə razı salmağa çalışıblar. Lakin kişi polislərin tələblərinə məhəl qoymayaraq körpüdən aşağı, İst-River boğazına atılıb.
Sahil mühafizə polisi əməkdaşları onu operativ şəkildə sudan çıxarıblar. Hündürlükdən düşməsinə baxmayaraq, kişi sağ qalıb.
44 yaşlı şəxs "NYC Health + Hospitals Bellevue" xəstəxanasına yerləşdirilib. Onun vəziyyətinin stabil olduğu bildirilib.
17:59 03.08.2026
Oxunuş sayı: 49
