Ukrayna Silahlı Qüvvələrində yüksəkvəzifəli kadr dəyişiklikləri olub
Ukrayna Silahlı Qüvvələrində aparılan genişmiqyaslı struktur islahatları çərçivəsində iki yüksəkvəzifəli hərbçi vəzifəsindən azad edilib.
Crossmedia.az xəbər verir ki, bu barədə Ukrayna KİV-i məlumat yayıb.
Məlumata görə, Ukrayna Silahlı Qüvvələrinin Tibb Qüvvələrinin komandanı Anatoli Kazmırçuk və Quru Qoşunlarının qərargah rəisi Aleksandr Qruzeviç tutduqları vəzifələrdən uzaqlaşdırılıblar.
Bildirilir ki, kadr dəyişiklikləri ölkənin hərbi idarəetmə sistemində həyata keçirilən genişmiqyaslı yenidənqurma çərçivəsində baş tutub.
Rəsmi qurumlar hələlik vəzifədən azad edilmələrin səbəbləri ilə bağlı ətraflı açıqlama verməyiblər.
17:43 03.08.2026
Oxunuş sayı: 42
