Fon der Lyayen İspaniyaya miqrasiya böhranı ilə bağlı məktub göndərdi
Avropa Komissiyasının Prezidenti Ursula fon der Lyayen Seutada yaşanan miqrasiya böhranı fonunda İspaniyanın Baş naziri Pedro Sançesə məktub ünvanlayaraq Avropa İttifaqının İspaniyaya dəstəyini vəd edib.
Crossmedia.az xəbər verir ki, "Reuters" bu barədə sənədə istinadən məlumat yayıb.
Məktubda Ursula fon der Lyayen Avropa İttifaqının xarici sərhədlərinin ən həssas nöqtələrində təhlükəsizlik tədbirlərinin gücləndirilməsinin vacibliyini vurğulayıb.
O bildirib ki, Aİ İspaniyanın qeyri-qanuni miqrasiya ilə mübarizə səylərinə texniki və maliyyə dəstəyi göstərməyə hazırdır.
"İspaniya ilə əməkdaşlıq çərçivəsində, xüsusilə Seuta və Melilya ilə bağlı məsələlərdə sərhədlərin vəziyyətinə dair erkən xəbərdarlıq sistemlərini təkmilləşdirə və Mərakeşə texniki və maliyyə dəstəyimizi gücləndirə bilərik", – deyə məktubda qeyd olunub.
16:52 03.08.2026
Oxunuş sayı: 49
