Xarici xəbərlər

İnfantino vəzifəsini qorumaq üçün ABŞ-dən dəstək istəyəcək

FIFA prezidenti Canni İnfantinonun vəzifəsini qorumaq üçün ABŞ administrasiyasından siyasi dəstək almağa çalışdığı bildirilir. O, bu məqsədlə ABŞ dövlət katibi Marko Rubio ilə telefon danışığı aparmağı planlaşdırır.

Crossmedia.az xəbər verir ki, "New York Post" bu barədə məlumat yayıb.

Nəşrin mənbələrinin sözlərinə görə, İnfantino əvvəlcə ABŞ Prezidenti Donald Trampla əlaqə saxlamağa çalışsa da, buna nail olmayıb. Bu səbəbdən onun bazar ertəsi ABŞ dövlət katibi Marko Rubio ilə telefon danışığı keçirəcəyi gözlənilir.

Mənbə bildirib ki, rəsmi gündəmdə futbolun ABŞ üçün "yumşaq güc" vasitəsi kimi rolu müzakirə olunacaq. Lakin əsl məqsədin İnfantinonun FIFA prezidentliyini qorumasına dəstək almaq olduğu iddia edilir.

Məlumata görə, FIFA prezidenti seçkiləri 2027-ci ilin mart ayında keçiriləcək.

🖨 Çap et

16:39 03.08.2026

Oxunuş sayı: 50